သနားစရာ စင်ကာပူမှ မြန်မာသံရုံး

ပေးပို့သူ-ညီမလေး
မြန်မာပြည်မှာ စစ်ကျွန်ပြုမဲ့ ဖွဲ့စည်းပုံအခြေခံဥပဒေကို ဆန့်ကျင်ကန့်ကွက်ခဲ့ကြတဲ့ မြန်မာနိုင်ငံသားများ စင်္ကာပူနိုင်ငံရှိ မြန်မာသံရုံးကို သွားရတော့မယ်ဆိုတော့ လူတိုင်းက စောစောသွားရတယ်တဲ့။ ဘယ်လောက်စောစောလဲ ဆိုတော့လဲ မပြောကြဘူး၊ စောစောသွားဖို့ပဲ ပြောနေကြတယ်၊ ဒါဆိုလဲ (၆)နာရီလောက် အိမ်က ထွက်ရင်ရမှာလို့ထင်လိုက်မိတယ်၊ နောက်သူငယ်ချင်းတယောက်က ပြောတော့မှ တော်တော်အံ့သြသွားတယ်၊ ၃၊ ၄ နာရီလောက်ထဲက စတန်းစီပြီး တုံကင်ယူရတာတဲ့။ သံရုံးမှာ လူတွေတန်းစီနေရတာ သနားစရာ တော်တော်ကောင်းတယ်။ တချို့ တွေဆို ညအိပ်ပြီး စောင့်ကြရတာ မနက်စောစော လာရမှာ အဆင်မပြေဘူး ဝေးလို့တဲ့။ ပြီးရင်လဲ ဘယ်မှသွားလို့မရဘူး၊ ၈နာရီလောက် တခါလူပြန်စစ်တယ်လေ။ အဲဒီအချိန်မှာ ကိုယ်မရှိရင် မနက်စောစောထ တန်းစီရတာ အလကားဖြစ်ပြန်ရော။ ရှိတဲ့သူတွေရဲ့ နာမည်တွေနဲ့ ပြန်ပြီးစဉ် လိုက်ကြလို့လေ။ ဒါကတော့ သံရုံးပါးဝနေ တဲ့သူတွေလုပ်တာပေါ့။ သူ့နာမည် ရှေ့တိုး ကိုယ့်နာမည်နောက်ဆုတ်လေ။ ဒီပြဿနာတွေ ပြေလည်စေဖို့က ticket machine လေး(၁)ခုလောက်ပဲ လိုတာပါ။ ကိုယ်ရောက်တဲ့အချိန်မှာ ကိုယ့်နံပါတ်လေး ကိုယ်ယူထားပြီး ကိုယ့်အလှည့်ကို ခေါ်တဲ့အခါ သွားလိုက်ရုံပဲပေါ့။ ဒီလောက် လွယ်လွယ်လေးကို သူတို့ မို့မခက်ခက်အောင် လုပ်တတ်တယ်နော်။ ပြီးရင် လဲတနေကုန်အောင် စောင့်ရတာအခွန်ဆောင်ဖို့ကို။

ကိုယ်တကယ်သံရုံးကို ရောက်သွားတော့မှ မြန်မာပြည်သူတွေကို တော်တော်သနားသွားမိတယ်၊ ရှားရှားပါးပါး အလုပ် ပိတ် ရက်လေးကို ပြည့်ပြည့်၀၀မနားရဘဲနဲ့ သူတို့ပစ်ပို့တ် သက်တမ်းတိုးရင် မရမှာ စိုးလို့ အခွန်တွေ လာဆောင်နေကြ ရတာ တကယ်တော့ ဘယ်သူမှ မပေးချင်ကြပါဘူး။ အိမ်စရိတ် စားစရိတ်တွေနဲ့ မနဲ လောက်ငအောင်နေပြီး သူများတိုင်း ပြည်မှာ အလုပ်လာလုပ်နေကြရတာလေ၊ တော်တော်များများက အိမ်ကို ပြန်ပို့ ပေးနေရတာပါ။ ဒီနိုင်ငံမှာနေတော့ စင်္ကာပူအစိုးရကို အခွန်ပေးပြီးသားအပြင် မြန်မာသံရုံးကိုလဲ ထပ်ပေးရတော့ ဘယ်သူပေးချင်ပါ့မလဲ။ ဒါ့ပြင် ဒီလိုဒုက္ခ တွေလဲရှိနေတော့ သံရုံးဆို အသံတောင် မကြားချင်ကြတော့ဘူးပေါ့။ ကိုယ့်ကိုကျတော့ သူတို့က ဘာတခုမှ ကူညီတာ မဟုတ်ဘူးနော်။ သူတို့ တာဝန်က အခွန်ကောက်ဖို့ ကလွဲရင် ကျန်တာဘာမှသူတို့ နဲ့မဆိုင်တော့ဘူး။ ဘာပြဿနာမှကို မဖြေရှင်းပေးဘူး။ မဖြေရှင်းတတ်တာလဲပါမှာ ပေါ့လေ ဥာဏ်နဲ ကြတာကိုး။ သူတို့ ဦးနှောက်ထဲမှာရှိတာက သူတို့ အခွန်ရပြီးရင် ကျန်တာဘာမှ မဆိုင်တော့ဘူး ဆိုတာပဲလေ။

ရုံးက ၀န်ထမ်းတွေက အလုပ်ချိန်ကို အတိအကျ စတာမြန်မာပြည်ကအတိုင်းပါပဲ ။ ရုံးချိန် ၉ နာရီ ဆိုပေမဲ့ သူတို့ နာရီတွေက နောက်ကျနေတော့ ၉နာရီ၃၀ မှ ဟိုလှည့် ဒီလှည့်နဲ့  ရောက်လာကြလို့ မနက်အစောကြီးထဲက ထလာရတဲ့ သူတွေကပဲ စိတ်ရှည်ရှည်နဲ့ စောင့်ရတာပေါ့။ နောက် နံမည်တွေ စခေါ်တော့လဲ ရှေးရိုးစဉ်လာအတိုင်း ပါးစပ်က ခေါ်ပါတယ်။ သူတို့ မှာ computerized system ဘာမှမရှိပါဘူး computer ဆိုတာ ကြားဖူးရဲ့ လားလို့တောင် မေးကြည့်သင့်တယ်။ ရှိခဲ့ရင်တောင် သံအမတ် chatting လုပ်ဖို့ဖြစ်မှာပေါ့။Singaporeလိုနိုင်ငံမှာmanualလုပ်နေရတာ တော်တော်သနားဖို့ ကောင်းပြီး မြန်မာအစိုးရရဲ့ အဆင့်အတန်းကို ပြနေသလိုပါပဲ။ မြန်မာပြည်မှာရှိတဲ့ နိုင်ငံခြားသံရုံးတွေမှာတောင် ဒါမျိုးမတွေ့ဖူးပါဘူး။ ဒါ ပထမဆုံးတွေ့ ဖူးတာပါ။ သူတို့ မှာ ပိုက်ဆံမရှိ လို့လား ဆိုတော့လဲ အခွန်တွေရတာ မနဲမနောပါ။ တလကိုS passသမားက$၈၀ ၊ PR က$၁၂၀ ပေးရတယ်။ ဒါပေမဲ့ အခွန်ဆောင်တဲ့ သူတွေက ဈေးဆစ်ကြ၊ ငိုပြကြ အန်တီကြီးက ပြန်အော်လိုက်နဲ သူ့အရပ်နဲ့ သူ့ ဇာတ် နဲ့ကတော့ ကိုက်နေတာပဲ ။
အခွန်ဆောင်တာတွေကို on line က လုပ်လို့ရလားမေးတော့ မရဘူးတဲ့။ ရခဲ့ရင်သူတို့လဲသက်သာ ပြည်သူတွေလဲ တော်တော်ကို အဆင်ပြေလို့ ၀င်ငွေတွေ အခုထက်တောင် ပိုကောင်းဦးမှာပါ။

အန်တီကြီးကပဲ အခွန်ငွေ အလျှော့အတင်းကို ဆုံးဖြတ်ပါတယ်။ ဒါကြောင့်လူတွေက ကိုယ့်ပိုက်ဆံနဲ့ကိုယ် အောက်ကျို့  နေရတာကိုကြည့်ရင်း သနားမိပြီး မြန်မာအချင်းချင်း တိုင်းတပါးမှာ မကူညီ၊ မရိုင်းပင်းတဲ့အပြင် ပြည်သူတွေဆီက အ ခွန်ကောက်ပြီး ပြည်သူတွေကို စော်ကားနေသလို ဖြစ်တာမို့ တော်တော်စိတ်ပျက် မိပါတယ်။

သူငယ်ချင်းက ပြောတာတော့ အာစီယံနိုင်ငံတွေမှာ ၂ထပ်ခွန်မရှိဘူး ဒါနားလည်မှုနဲ့ လုပ်နေတာတဲ့ သူတို့က အခွန်မဆောင်ထားရင် ပစ်ပို့စ်သက်တမ်းတိုးရင် "ရစ်" လို့ ၊ မရလို့ ဆောင်ရတာတဲ့ တရားဝင်မဟုတ်ဘူးလို့တော့
ပြောတာပဲ ။ ဒါပေမဲ့ သူ့နိုင်ငံနဲ့ သူ့ဥပဒေဆိုတော့လဲ ဆောင်ကြရတာပေါ့လေ။ ကိုယ်ကဘာတွေထူးပြီး တတ်နိုင်မှာလဲနော။

သူတို့က ပုံသေတွက်ထားတာS pass သမားက အနဲဆုံး ၁၈၀၀ ရတယ်လို့၊ ဒါပေမဲ့ တကယ်တော့ ၈၀၀၊ ၁၀၀၀ လောက်နဲ့ လုပ်နေရတဲ့ သူတွေ အများကြီးဆိုတာကို မသိချင်ယောင်ဆောင်နေတယ်။ ၁၈၀၀ ဘဏ်ထဲကိုဝင်ပေမဲ့ ၉၀၀ ကုမ္မဏီကို ပြန်အမ်းရတဲ့ သူတွေလဲ အများကြီးရှိပါတယ်။ ဘယ်လောက်ပဲရရ မြန်မာပြည်မှာထက်တော့ ၀င်ငွေ ကောင်းနေတော့ ဖြစ်သလို လုပ်နေကြရတာပါ။ မြန်မာပြည်က လူတွေက အလုပ်ကိုကြိုးကြိုးစားစားလုပ်ပြီး လုပ်ခ သက်သက်သာသာနဲ့ရတော့ စားသောက်ဆိုင်တွေက မြန်မာတွေကို ခန့် ချင်ကြတယ်။ ရုံးတွေမှာတော့ သိပ်မသုံးချင် ကြတာ အင်္ဂလိပ်စာ ညံ့လို့ တဲ့။ မြန်မာတွေထက် မလေးရှားတွေကို ပို ခန့်ကြတယ်။ တော်တော်များများ မြန်မာတွေက တော်ကြပါတယ်။

အခုမြန်မာပြည်မှာ စီးပွါးရေးတွေမကောင်းတော့ တော်တော်များများက စင်္ကာပူမှာ အလုပ်လာရှာကြတယ်။ ပွဲစားတွေ နဲ့လာတာတမျိုး ကိုယ့်အသိအားကိုးနဲ့ လာတာတမျိုပေါ့။ ဒါပေမဲ့ ဒီနိုင်ငံမှာတောင် အလုပ်လျှော့တာတွေ များနေလို့
အစိုးရကိုယ်တိုင်က သူ့နိုင်ငံက လူတွေကိုပဲ ဦးစားပေးခန့်ဖို့ပြောထားပါတယ်။ သူတို့အစိုးရက ပြည်သူတွေကို ဂရုစိုက်တာ ကိုယ့်နိုင်ငံက နအဖလို ပါပဲလေ နော။ ကိုယ့်နိုင်ငံမှာ အဆင်မပြေလို့ ရှိစု မဲ့စုလေး ခြစ်ကုတ်လာရတဲ့ သူတွေခမျာဓဖွတ်မရ ဓါးမဆုံးဓ ပေါ့။

ဒီအကြောင်းတွေပဲ တွေ့တဲ့သူတိုင်းနဲ့ ပြောဖြစ်နေတော့ ညီမလေးက သံရုံးကသူတွေရော လစာ ဘယ်လောက်ရလဲလို့ မေးလိုက်ပါလားတဲ့။ ပြောတာမယုံရင် ကိုယ်တိုင်မေးလို့ရတယ်နော် ။ ဆက်သွယ်ရမဲ့ဖုန်းနံပါတ်ကတော့ သံအမတ် ဖုန်း ၆၇၅၆၀၂၀၉။

သံအမတ်နဲ့ chat ချင်လို့ email ရှာတာ မတွေ့ဘူးသိလား။ ဒီတော့ သေချာပါတယ်လေ သူတို့မှာ တကယ် computer မရှိဘူးဆိုတာ။ တကယ်လို့  မိတ်ဆွေတို့ မှာ ပိုက်ဆံများရှိခဲ့ရင် သူတို့့Chat ဖို့ computer လေးတွေ ၀ယ်ပေးလိုက်ပါနော်။ ။